Një grabitje ndodhi mbrëmjen e sotme në Shkodër, teksa një shpërndarësi picash i kanë marrë xhiron ditore në zonën e Bardhajt.
Grabitja u bë nga persona të paidentifikuar që u futën në piceri.
Shuma e grabitur dyshohet tek 30 mijë lekë të reja, ndërsa policia ndodhet në vendngjarje.
Informacion Paraprak i Policisë
Më datë 25.01.2017 rreth orës 20:45, njoftohemi nga shtetasi me iniciale E.J. , se në afërsi të "Varrezave të Dëshmorëve", në Shkodër, është grabitur nga 2 shtetas të paidentifikuar.
I dëmtuari E.J. , punonjës i një picerie në Shkodër, deklaron se ka qënë duke shpërndarë pica me motorçikletë dhe 2 shtetas i kanë prerë rrugën, ku dyshohet se e kanë grabitur, duke i marrë motorçikletën, celularin dhe portofolin me një shumë lekësh që kishte me vete.
Policia ka ngritur pika kontrolli si dhe po bëhet krehja e zonës përreth, me qëllim identifikimin dhe kapjen e autorëve të dyshuar të kësaj ngjarje dhe vendosjen para përgjegjësisë penale.
Grupi hetimor po vazhdon veprimet hetimore për zbardhjen e plotë të rrethanave të kësaj ngjarje.