Policia e Kosovës ka realizuar një operacion në një lokal nate i cili gjendet në Prishtinë, ku janë arrestuar trembëdhjetë persona të dyshuar, dymbëdhjetë prej tyre për posedim të paautorizuar të narkotikeve, ndërsa njëri i kërkuar me urdhër arrest të lëshuar nga organet e drejtësisë.
Personat e arrestuar të cilët janë gjetur nen posedim të substancave narkotike janë;
“ A. B, i janë gjetur dhe konfiskuar 0.8 grame marihuane, A. H, i janë gjetur dhe konfiskuar 4.2 grame marihuane, G. B, i janë gjetur dhe konfiskuar 3 tableta me peshë 1.0 grame ekstazi, K. E, i janë gjetur dhe konfiskuar 1.4 grame marihuane, T. Xh, i janë gjetur dhe konfiskuar 2.4 grame marihuane, V. B. (femër) i janë gjetur dhe konfiskuar 1.2 grame marihuane, Sh. K, i janë gjetur dhe konfiskuar 1.2 grame marihuane, B. E, i janë gjetur dhe konfiskuar 7.9 grame marihuane, L. I, i janë gjetur dhe konfiskuar 1.4 grame marihuane, I. H, i janë gjetur dhe konfiskuar 10 mml GHB, A. H, i janë gjetur dhe konfiskuar 0.5 grame Kokaine, N. K, i janë gjetur dhe konfiskuar 1.0 grame marihuane”, thuhet në komunikatën e Policisë së Kosovës.
Pas kontrollimit të personave dhe lokalit, në pjesë të ndryshme të lokalit janë gjetur 10 tableta me peshë 6.1 grame eksatazi, 7 qese me peshë prej 6.0 kokainë dhe 5 qese me peshë 4.7 grame marihuane.
Gjithashtu është arrestuar edhe personi E. K. viti i lindjes 1993, i cili ishte i kërkuar me urdhër arrest të lëshuar nga Gjykata Themelore Prishtinë .
Me urdhër të prokurorit kompetent të gjithë të dyshuarit pas intervistimit janë liruar, përveç të dyshuarit të kërkuar me urdhër arrest, kurse me vendim të Inspektoratit lokali është mbyllur.
