Një 39-vjeçar në Garfagnana të Italisë është arrestuar pas një telefonatë të bërë në polici nga vajza e tij 12-vjeçare, e cila përballej çdo ditë me dhunën dhe kërcënimet e të atit.
Karabinierët mbërritën në banesën e familjes dhe gjetën shqiptarin e dehur, i cili kishte në dorë një palë gërshërë dhe një kaçavidë dhe kërcënonte bashkëshorten e tij, raportojnë sot mediat lokale.
Gruaja italiane tha se i shoqi ushtronte dhunë ndaj saj dhe fëmijëve të mitur.