Një i dyshuar mashkull i maskuar dhe i armatosur ka hyrë në shtëpinë e viktimës mashkull në Ferizaj me qëllim grabitje.
Siç bën të ditur policia, në momentin kur i dyshuari është vërejtur nga viktima ka shtënë me armë zjarri në drejtim të viktimës duke e plagosur atë me ç’ rast dy familjar të viktimës janë përleshur fizikisht me të dyshuarin dhe kanë pësuar lëndime ata dhe i dyshuari.
“Njësitet policore kanë intervenuar menjëherë duke arrestuar të dyshuarin, ndërsa në vendin e ngjarjes në cilësi të provave materiale janë gjetur dhe konfiskuar : Një revole CZ,2 gëzhoja ,2 predha ,një maskë dhe një palë dorëza. Të lënduarit si dhe i plagosuri janë dërguar në tretman mjekësorë në QKUK”, thuhet në njoftimin e policisë.
I dyshuari është arrestuar dhe me urdhër te prokurorit dërgohet ne mbajtje.
