Një 56 vjeçar ka menduar se do të përfitonte prej fqinjës, por i ka dalë huq përpjekja pasi ajo ka njoftuar Policinë.
Burimet nga Komisariati numër 1 i Policisë së Tiranës bëjnë me dije se kanë referuar materialet në Prokurorinë e Rrethit Gjyqësor Tiranë, për shtetasin P.Gj. 56 vjeç, banues në Tiranë.
Ky i fundit, shkruan Panorama, dyshohet se në rrugën “Asdreni”, ka hyrë pa pëlqimin e saj, në banesën e shtetases A.S. vjeç 43.
Ai po hetohet në gjendje të lirë për veprën penale, parashikuar nga Neni 112 i Kodit Penal, dhunimi i banesës.
Mësohet se gruaja është zënë në panik kur ka parë në banesën e saj 56-vjeçarin, i cili e ngacmonte.
Menjëherë ajo ka njoftuar Policinë e cila ka kryer procedurat pas kallëzimit të 43 vjeçares.
