(E plotësuar) - Një martesë dikur e lumtur por që u mbyll sot me një fund tragjik. Kështu e cilësojnë mediat italiane ngjarjen që tronditi zonën e Busto Arsizio në Varese, kur 62-vjeçari shqiptar Muhamad Vrapi masakroi me thikë, bashkëshorten e tij 10 vjet më të re, Diana Vrapi Koni.
Pak orë pas ngjarjes së rëndë mediat italiane tregojnë detaje nga krimi. Sipas Corriere Della Sera, gruaja është gjetur e shtrirë në shtëpi, kishte pësuar atak kardiak nga goditjet e njëpasnjëshme dhe ishte e mbuluar në gjak.
Mjekët kanë regjistruar të paktën 15 goditje me thikë në trupin e saj ndërsa bashkëshorti ka pranuar menjëherë krimin. Ai qëndronte në oborrin e shtëpisë kur shkoi policia dhe deklaroi: Po, e qëllova unë!
Sipas Corriere Della Sera, çifti me origjinë ng Durrësi me nënshtetësi italiane ishin prindër të tre fëmijëvë maxhorenë, 2 djemve dhe një vajze. Mosmarrëveshjet mes të dyve kishin nisur vetëm vitet e fundit.
Vrasje në Itali, shqiptari vret gruan me thikë
Një krim i rëndë ka ndodhur pasditen e sotme në një familje shqiptare në Itali. Një grua 52 vjeçe është qëlluar për vdekje me thikë nga burri i saj.
Krimi ka ndodhur në Varese, në një familje emigrantësh shqiptarë. Ngjarja e rëndë mësohet se ka ndodhur rreth orës 16:30 minuta të pasdites së sotme.
Viktimë e kësaj ngjarje ka mbetur Diana Vrapi, 52 vjeçe, ndërsa në pranga është vendosur burri i saj, Muhamed Vrapi, 62 vjeç. Ky i fundit mësohet se e ka pranuar krimin.
Mjeku ligjor ka bërë të ditur se gruaja ishte qëlluar 15 herë me thikë. Çifti kishte vite në Itali dhe ishin me pasaportë italiane dhe prindër të 3 fëmijëve.
Nuk dihen ende arsyet e këtij krimi të rëndë.