Një 35-vjeçar gjeti vdekjen në një aksident të rëndë rrugor të ndodhur rreth 15:55, në rrugën dytësore Vorë-Tiranë.
Një kamion dhe një autoveturë u përplasën me njëra-tjetrën, ku për pasojë gjeti vdekjen e menjëhershme drejtuesi i makiëns Ford, S. Sh., 35 vjeç.
Nga hetimet paraprake është mësuar se kamioni ka qenë i parkuar jashtë rruge dhe drejtuesi i automjetit tip Ford, dyshohet se ka humbur kontrollin e automjetit dhe si pasojë e shpejtësisë tej normave të lejuara është goditur me kamionin duke e spostuar atë me rreth 10 m.
Forca e goditjes ka qenë e madhe dhe i riu nuk ka mundur të mbijetojë.
Për nxjerrjen e trupit nga makina është dashur ndërhyrja e forcave zjarrfikësese.
Grupi hetimor po punon për sqarimin e plotë të rrethanave të ngjarjes.