Një plagosje me thikë ka ndodhur ditën e djeshme në Tiranë.
Policia e kryeqyteti bën me dije se në rrugën "Mihal Grameno" gjatë një konflikti të çastit Ervis Mateli ka goditur me thikë shtetasin I. K., 28 vjeç, i cili aktualisht ndodhet jashtë rrezikut për jetën.
Blutë kanë bërë të mundur arrestimin e autorit të ngjarjes, 33-vjeçarin Ervis Mateli.
Ndërsa, lidhur me ngjarjen pas hetimeve të parë, policia e Tiranës bën me dije se materialet janë referuar pranë Prokurorisë së Rrethit Gjyqësor Tiranë për veprën penale “Plagosje të rëndë me dashje” dhe “Prodhimi, mbajtja blerja apo shitja pa leje e armëve të ftohta”.