Një 56 vjeçar është arrestuar nga policia pasi u kap në Kapshticë në tentativë për të trafikuar 20.8 gram lëndë narkotike kokainë.
Në pranga përfundoi Dhimitër Kullolli, 56 vjeç, banues në Tiranë.
“Arrestimi i tij u bë pasi, gjatë kontrollit të detajuar që shërbimet e Policisë Kufitare kanë ushtruar në mjetin tip “Mercedes-Benz” me të cilin ky shtetas u paraqit në dalje të Republikës së Shqipërisë, iu gjetën e sekuestruan në cilësinë e provës materiale 20.8 gram lëndë narkotike e dyshuar kokainë”, sqaron Policia.
Veprimet procedurale të rastit u kryhen nga Specialistët e Seksionit për Narkotikët në Drejtorinë Vendore të Policisë Korçë.
