Një shofer i shkujdesur është bërë shkaktar i përplasjes të tre makinave të parkuara, duke mbetur i lënduar.
Pasditen e sotme rreth orës 17:00 E.M 35 vjeç drejtonte një automjet Mercedes Benz kur është përplasur me tre automjete të parkuara në aksin rrugor të Bulevardit “Ismail Qemali” pranë ” ish shkollës industriale”.
Për pasojë ka mbetur i dëmtuar vetë drejtuesi i automjetit, i cili është transportuar në Spitalin Rajonal Vlorë, dhe gjendet jashtë rrezikut për jetën.
Shërbimet e Policisë dhe grupi hetimor kanë shkuar në vendngjarje dhe po kryejnë hetimet për zbardhjen e plotë të rrethanave të ngjarjes.
