Një 32 vjeçar është plagosur me armë zjarri mbrëmjen e së enjtes, 7 shtator 2017, në Laç.
Ngjarja ka ndodhur rreth orës 22:15 , në lagjen Nr.3 të qytetit.
I plagosuri është identifikuar si shtetasi me iniciale R.T, i cili ndodhet në Spitalin e Traumës në Tiranë, nën kujdesin e mjekëve.
Policia ka ngritur pika kontrolli si dhe po bëhet krehja e zones me qëllim kapjen e autorëve të dyshuar.
Grupi hetimor në bashkëpunim me Prokurorinë e Rrethit Gjyqësor Kurbin po vazhdojnë hetimet për zbardhjen e plotë të ngjarjes.