Policia e Kosovës ka njoftuar se dje në Gjakovë, ka ndodhur një gjuajtje me armë zjarri, si pasojë e së cilës ka pësuar lëndime një person.
Siç thotë Policia në raportin 24-orësh, ngjarja ka ndodhur kur një mashkull i dyshuar shqiptar, derisa ka qenë me veturë, ka shtënë me armë zjarri dhe ka ikur nga vendi i ngjarjes, përcjell Bota sot.
Nuk dihen shkaqet që kanë çuar deri tek ky tentim vrasje.
“Viktima ka pësuar lëndime të lehta në gishtat e këmbës. Lidhur me rastin është njoftuar prokurori publik”, ka thënë PK-ja./BS