Policia ka arrestuar një 24-vjeçar të shpallur në kërkim për tentativë vrasjeje. Arrestimi i të riut u bë në Pikën e Kalimit Kufitar Kakavijë.
Personi i arrestuar është Denis Imeri, banues në Memaliaj, i cili ishte depërtuar nga policia greke në hyrje të Republikës së Shqipërisë dhe pas intervistimit si edhe verifikimeve të bërë nga punonjësit e policisë në sitemin ”TIMS” rezultoi se ishte person në kërkim.
Imeri është dënuar me masën “Arrest me burg” në 28 prill 2017 nga Gjykata e Durrësit për veprat penale “Prodhim dhe shitje e lëndëve narkotike”, “Vjedhje e kryer në bashkëpunim” dhe “Prodhim dhe mbajtje pa leje të armëve luftarake luftarake dhe municionit”.
Ndërsa në 5 maj 2017 është dënuar me masën e sigurisë “Arrest me burg” për veprat penale “Vrasje me dashje e mbetur në tentativë” dhe “Prodhim dhe mbajtje pa leje e armëve luftarake dhe municionit”.
