Drejtoria për Hetimin e Krimit të Organizuar - Sektori për Hetimin e Krimeve Kompjuterike ka identifikuar dy të dyshuar meshkuj në Mitrovicë, të cilët kryenin veprat penale ‘hyrje në sisteme kompjuterike’ dhe ‘keqpërdorim i kartelave bankare’.
Të dyshuarit në mënyrë të kundërligjshme kanë siguruar të dhëna bankare të personave të huaj të cilat i kanë përdorur për blerje të gjësendeve përmes internetit.
Njësiti policor në cilësinë e provave kanë konfiskuar dy laptopë dhe dy telefona mobilë.
Të dyshuarit janë intervistuar dhe me urdhër të prokurorit rasti shkon në procedurë të rregullt.