Janë dhënë sot masat e sigurisë arrest me burg për trafikantët që u kapën në Greqi me një gomone me 1.6 tonë drogë e cila ishte nisur nga Himara.
Prokurori ka vendosur të lërë në burg të gjithë të akuzuarit, dy grekë, dy shqiptarë dhe një bullgar, ndërkohë që dje dhe pardje u dhanë masat për 4 shqiptarë e dy italianë.
Sot u mor masa për 63-vjeçarin Spiro Kardami, 43-vjeçarin Dimitrios Liakopoulos, 32-vjeçarin Arban Baxheri dhe shqiptarin tjetër Ermal Likaj dhe bullgarin Yordan Stoyanov.
Spiro Kardami ka mohuar akuzat duke u shprehur se “kam kompani qe blen skafe por nuk kam lidhje fare me trafikun e drogës”. Një nga drejtuesit e grupit, Vito Potenza, 31-vjec deklaroi dje në seancë: “Ndodhesha në Greqi sepse do merrja një nga gomonet e Spiros që ta çoja në Itali për riparim. Nuk kam lidhje fare me trafikun”.
Skafisti 57-vjeçar Sergio Racanato që iu bë seanca të martën, tha: “Kisha shume para borxh, mu bë presion nga grupi dhe u detyrova të bëja rrugën”. Ky i fundit ka qenë më parë i arrestuar në Greqi për trafik klandestinësh dhe kishte thyer lejen e kthimit në burg.