Një 23-vjeçar është plagosur në orët e pasdites së të martës në qytetin e Orikumit.
I riu i identifikuar si Denis Brahimi është qëlluar nga dy persona gjatë kohës kur po qëndronte në anë të rrugës hyrëse të qytetit, pranë një pike karburanti.
Fatmirësisht plumbat e kanë goditur në këmbë dhe ai ndodhet jashtë rrezikut për jetën.
Policia thotë se ka ngritur pika kontrolli për kapjen e autorëve, që thotë se i ka identifikuar, por që për arsye hetimore nuk bën me dije identitetet e tyre.
Grupi hetimor i ngritur nga uniformat blu po punon për zbardhjen e plotë të ngjarjes.