Një person ka humbur jetën dhe dy të tjerë janë lënduar në një vetaksident trafiku që ka ndodhur në magjistralen Prishtinë-Gjilan, saktësisht në fshatin Mramor.
Flora Ahmeti, zëdhënëse e policisë, tha se rasti ka ndodhur rreth orës 17.30.
“Në aksident është përfshirë një kamionetë ku gjendeshin tre persona. Njëri prej tyre ka humbur jetën në vend ngjarje. Vdekjen e ka konstatuar ekipi mjekësor. Ndërsa dy personat tjerë të lënduar janë dërguar për tretman mjekësor”, tha ajo.