Policia e Kosovës bën të ditur për një ngjarje kriminale që ka ndodhur në qytetin e Vushtrrisë.
Në raportin e zyrtarëve të rendit thuhet se disa persona të panjohur nën kërcënimin e armës i kanë grabitur një qytetari celularin dhe një shumë të parave.
“Fsh. Bukosh, Vushtrri 27.01.2018-20:40. Një mashkull K/Shqiptar ka informuar se derisa ishte në rrugë, disa persona të panjohur nën kërcënim të armës i kanë grabitur celularin dhe një shumë të parave. Viktima nuk ka pësuar lëndime trupore, ndërsa njësit policore janë duke hetuar rastin”, thuhet në raportin e policisë.