Gjykata Themelore në Prishtinë ka caktuar masën e paraburgimit prej një muaji kundër të pandehurit Z.K, për shkak të dyshimit të bazuar se ka kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.
Z.K. më 19.11.2017, në rrugën “B”, lagjja “Mati 1” është ndaluar nga policia dhe pas kontrollimit në trup i janë gjetur dy paketime të vogla të gatshme për shitje, me peshë prej një gram kokainë, ndërsa me rastin e bastisjes në banesën e tij në Prishtinë, janë gjetur 8 paketime me kokainë me peshë 4 gramë.
Po ashtu, në orenditë e kuzhinës të mbështjella në një qese kanë gjetur 19.8 gramë.
Pala ka të drejtë ankese kundër këtij vendimi në Gjykatën e Apelit të Kosovës.