Vdekja e 19-vjeçares, zbulohen detaje të trishta për studenten e infiermerisë

Kronikë e zezë

Vdekja e 19-vjeçares, zbulohen detaje të trishta për studenten e infiermerisë

Më: 2 prill 2018 Në ora: 07:04
ilustrim

Dy ditë më parë, një 19-vjeçare nga fshati Dishnicë i Korçës i ka dhënë fund jetës duke pirë sasi të madhe fostoksine.

Studentja e infiermerisë Erisiola Hoxha ka kryer aktin e vetëflijimit në banesë.

Ajo është gjetur nga familjarët në gjendje të rënduar shëndetësore, ndërsa ka humbur jetën pak kohë më pas në Spitalin Rajonal të Korçës. Ngjarja është regjistruar rreth orës 04:45 të mëngjesit të së premtes, ku vajza ka mbërritur me urgjencë në spital, por ndihma mjekësore nuk ka mundur ta shpëtojë nga fundi tragjik.

Mjekët shprehen se, studentja ka arritur në gjendje të vetëdijshme dhe në momentet e para madje, ka refuzuar ndihmën e mjekëve.

“Mos mu afroni, më lini të vdes”, u ka thënë ajo infermierëve, të cilët po i jepnin ndihmën e parë. Ende nuk dihen arsyet që e çuan drejt vetëflijimit. Sipas familjarëve, ajo nuk ka shfaqur asnjë shqetësim dhe nuk ka pasur probleme.

19-vjeçarja jetonte me familjen e hallës së saj që në moshë të vogël. Prindërit e saj, sipas të dhënave, ishin divorcuar, ndërkohë që nëna e saj kishte ndërruar jetë në moshë të re, ndërsa i ati kishte krijuar familje të re dhe vajza ishte marrë në kujdes nga halla e saj.

Sipas të dhënave të Policisë, e cila ka pyetur edhe të afërm dhe banorë të fshatit, halla dhe bashkëshorti i saj ishin kujdesur mjaft për vajzën dhe e kishin rritur si fëmijën e tyre, ndërsa njiheshin si një familje mjaft e rregullt dhe e qetë.

Edhe vetë ata para Policisë kanë deklaruar se vajza nuk kishte probleme dhe as ndonjë lidhje dashurie në dijeninë e tyre.

“Hëngrëm darkë normalisht si çdo mbrëmje dhe Erisiola na tha se nuk ndihej mirë. Shkoi të shtrihej në dhomë dhe menduam se mund të ishte pa qejf, por nuk na la të dyshonim për asgjë tjetër. Shkova ta kontrolloja se kisha merak mos kishte temperaturë, pasi mendova se mund të kishte grip, por e pashë në gjendje të rënduar.

Në një moment më tregoi se kishte pirë fostoksinë. U nisëm menjëherë drejt spitalit, nuk dija çfarë të bëja. E kam rritur si vajzën time dhe nuk më ka shfaqur asnjë problem, asnjë shqetësim, nuk e di pse e bëri këtë veprim”, është shprehur halla e saj mes lotësh para grupit hetimor.

Ndërkaq, Policia po heton ende arsyen që mund ta ketë çuar të renë drejt aktit të vetëflijimit.

commentFirst article
Sot mund të lexoni Shfletoni kopertinat