Policia e Kosovës ka njoftuar se një person është në arrati pasi që i njëjti ka sulmuar fizikisht një person tjetër. Ngjarja ka ndodhur në ditën e mërkurë rreth orës 13:28 në rrugën “Hasan Prishtina” në Viti.
“Viktima mashkull K-Shqiptar ka raportuar se është sulmuar fizikisht nga një i dyshuar mashkull K-Shqiptar. Viktima ka pësuar lëndime dhe është dërguar në tretman mjekësor”, thuhet në njoftimin për media.
Ndërsa, i dyshuari ka ikur nga vendi i ngjarjes dhe i njëjti është në kërkim nga policia.