Një 60 vjeçar ka humbur jetën në Elbasan pasi është përplasur për vdekje nga një automjet tip "Opel".
Ngjarja ka ndodhur rreth orës 20:00, në aksin rrugor Elbasan –Peqin, ku ka humbur jetën Sokrat Bodurr, banues në fshatin Bradashesh, Elbasan.
Ai u dërgua me urgjencë në spitalin rajonal, por ishte tepër vonë për të.
Policia ka ndaluar drejtuesen e mjetit, A.D. 48 vjeçe, banuese në lagjen "Qemal Stafa", Elbasan, për veprime të mëtejshme.
Grupi hetimor po punon për zbardhjen e shkakut të aksidentit - thotë policia.
