Policia e Cërrikut ka vënë në pranga drejtuesin e mjetit bujqësor, autokombajnë, i cili përplasi për vdekje një 50-vjeçar që po ecte me motoçikletë.
Sipas burimeve të Policisë Vendore, mësohet se i arrestuari është Qemal Baha, 61 vjeç, banues në fshatin Xibërrakë, Cërrik.
Ngjarja ndodhi ditën e djeshme në fshatin Shalës, Cërrik. Si pasojë e përplasjes së motoçikletës me mjetin bujqësor, drejtuesi i motoçikletës shtetasi O. M., ndërroi jetë. Materialet i kaluan Prokurorisë pranë Gjykatës së Shkallës Parë Elbasan, për veprën penale, "Shkelje e rregullave të qarkullimit rrugor", të parashikuar nga neni 290 i Kodit Penal.