Një aksident automobilistik ka ndodhur në autostradën Levan-Tepelenë në vendin e quajtur Selishtë në Mallakastër, ku një çift ka mbetur i plagosur.
Një mjet tip Skoda, ku udhëtonte një çift i nisur nga Greqia në drejtim të Tiranës ka dalë nga rruga dhe ka përfunduar në një fushë anës rrugës së autostradës.
Gjendja shëndetësore e 31-vjeçarit, S.Muçaj, sipas mjekeve paraqitet në gjendje t rëndë si pasojë e disa frakturave të marra në pjesë të trupit.
Bëhet e ditur se ai është nisur me urgjencë me helikopter drejt Tiranës, ndërkohë që e fejuara e tij ka marrë plagë më të lehta.
Shkak i aksidentit dyshohet se ka qenë lodhja dhe përgjumja e drejtuesit të mjetit, S.Muçaj, por grupi hetimor ndodhet në vendngjarje e po punon për zbardhjen e rastit.
