Një zjarr ka rënë në një hangar me bazë ushqimore për bagëtitë. Ngjarja ka ndodhur në një fshat të Korçës dhe protagonistë të zjarrvënës, janë dy fëmijë 8-vjeçarë.
Sipas Policisë Vendore, mësohet se zjarri ka rënë nga pakujdesia e fëmijëve të mitur A. V., 8 vjeç dhe G. K., 8 vjeç, të cilët kanë qenë duke luajtur me një shkrepëse.
Komisariati i Policisë Ersekë
Më datë 22. 08. 2018, në fshatin Kreshovë, Kolonjë, ka rënë zjarr në hangarët me bazë ushqimore për bagëtitë, në pronësi të shtetasit A. F., 60 vjeç, banues në Kreshpan. Nga veprimet e kryera rezultoi, se zjarri ka rënë nga pakujdesia e shtetasve të mitur A. V., 8 vjeç dhe G. K., 8 vjeç, banues në këtë fshat, të cilët kanë qenë duke luajtur me një shkrepëse. Materialet u referuan Prokurorisë pranë Gjykatës së Shkallës së Parë Korçë për vlerësim.
