Një 29-vjeçar ka mbetur i plagosur këtë të enjte, pas një sherri në një lokal në Pogradec.
Burime të policisë thonë se ngjarja ndodhi në lagjen nr 2 të këtij qyteti, në një lokal pranë ish-Poliklinikës. Autor i kësaj ngjarjeje është Bardhyl Capo, 60 vjeç, banues në fshatin Gështenjas.
Gjithçka, sipas policisë, ndodhi pas një konflikti të çastit. Pasi e goditi me kaçavidë 29-vjeçarin me iniciale I.K, Capo u largua nga vendi i ngjarjes.
Megjithatë policia u vu në ndjekje të tij dhe 60-vjeçari u arrestua pak kohë më pas. Atij iu gjet edhe kaçavida që dyshohet se përdori për plagosjen e të riut.
Ky i fundit është transportuar për mjekim në Spitalin e Korçës, ku aktualisht ndodhet në gjendje të rëndë shëndetësore.
Bardhyl Capo, sqaron policia, është person me precedentë të mëparshëm penalë. Ai u shoqërua në ambientet e Komisariatit, ku po kryhen edhe veprimet e mëtejshme proceduriale.
