Mbrëmjen e sotme një aksident me pasojë vdekjen e një personi ka ndodhur në aksin rrugor Fier-Kraps.
Mësohet se një mjet tip furgon që vinte nga Ballshi është përplasur me një tjetër mjet i cili ndodhej anës rrugës i parkuar.
Për pasojë ka mbetur i plagosur rëndë drejtuesi i furgonit, Shefqet Kasa, i cili më pas ka ndërruar jetë në spital.
"Në datën 03.11.2018, rreth orës 18:10 , në vendin e quajtur "Kraps", shtetasi Sh.K, 66 vjeç, duke drejtuar mjetin tip Reno, është përplasur me një mjet të parkuar.
Si pasojë e përplasjes është dëmtuar vet drejtuesi i mjetit, shtetasi Sh.K. Shtetasi i dëmtuar ka ndërruar jetë në Spitalin Rajonal Fier" njofton policia.
Grupi hetimor po punon për zbardhjen e rrethanave të aksidentit.