Prokuroria Themelore në Gjakovë- Depatamenti i Krimeve të Rënda ka pranuar një rast të cilësuar si tentim vrasje.
Rasti ka ndodhur me 31.10.2018, në fshatin Dujakë-Komuna e Gjakovës, ku i pandehuri A.J., pas një mosmarrëveshje të mëhershme me të dëmtuarin S.A., nga fshati Dujakë, me dashje ka tentuar ta privojë nga jeta.
Të njëjtit i ka shkaktuar lëndime të rënda trupore me armë zjarri, ku gjithashtu lëndime të lehta trupore i ka shkaktuar edhe djalit të dëmtuarit B.A.
Sipas kumtesës për media, i pandehuri A.J., nga momenti i rastit kritik është arratisur, duke u vetë paraqitur në polici në mënyrë vullnetare me 05.11.2018.
Prokuroria Themelore në Gjakovë pas marrjes së kallximit penal dhe analizimit të tij, ka bërë kërkesë për caktimin e masës së paraburgimit në afat prej një muaji ndaj të pandehurit A.J., ku të njëjtit i është shqiptuar kjo masë.