Në fshatin Kovaqec të Kaçanikut gjatë ditës së djeshme janë dërguar në mbajtje dy të rinj për gjuajtje me armë zjarri.
Pas pranimit të informatave nga tereni për dy raste gjuajtje me armë zjarri në fshatin Kovaqec, hetuesit policor kanë ndërmarrë veprimet e duhura policore ku në rastin e parë nga i dyshuari K.K.(m/sh/k 18 vjeç) kanë gjetur dhe konfiskuar; një armë AK-47 e kalibrit 7,62 mm, tre karikatorë, një pistoletë Zoraki, 58 fishekë.
Ndërsa në rastin e dytë, nga i dyshuari D.M.(m/sh/k 18 vjeç) është gjetur dhe konfiskuar një pushkë gjysmë automatike.
Është njoftuar Prokuroria Themelore në Ferizaj, ku pas konsultimit me prokurorin e shtetit, dy të dyshuarit dërgohen në mbajtje për 48 orë.