Policia e Kosovës ka arrestuar katër persona në fshatin Lubizhdë të Prizrenit pasi që janë kapur në flagrancë në hapësirat e një firme private duke kryer vjedhje.
Të dyshuarit nuk kanë arritur të vjedhin asgjë, përpjekja e tyre ka ngelur në tentativë. Të dyshuarit e lartcekur kishin hapur dyert e firmës me çelësa të modifikuar të cilët janë sekuestruar. Pas intervistimit, me aktvendim të prokurorit kujdestar, të dyshuarve u shqiptohet masa e ndalimit për 48 orë.