Falsifikonin pasaporta e viza, prangosen dy kuksianët

Kukësi

Falsifikonin pasaporta e viza, prangosen dy kuksianët

Më: 3 nëntor 2020 Në ora: 12:48
Foto Ilustrim

Janë arrestuar në flagrancë 2 shtetas, për veprat penale "Falsifikimi i letërnjoftimeve, pasaportave ose vizave" dhe "Mbajtja pa leje e armëve të ftohta".

Policia e Kukësit njofton se janë vënë në pranga shtetasit E. B., 28 vjeç dhe E. Ç., 22 vjeç.

Ja njoftimi i plotë i policisë

Kukës

Arrestohen në flagrancë 2 shtetas, për veprat penale "Falsifikimi i letërnjoftimeve, pasaportave ose vizave" dhe "Mbajtja pa leje e armëve të ftohta".

Specialistët e Seksionit për Hetimin e Krimit Ekonomik dhe Financiar në DVP Kukës, arrestuan në flagrancë shtetasit E. B., 28 vjeç dhe E. Ç., 22 vjeç, të dy banues në Kukës.

Arrestimi i tyre u bë pasi, në aksin rrugor Morinë-Kukës, gjatë kontrollit të ushtruar nga Policia në automjetin tip "Benz", me drejtues shtetasin E. B. dhe pasagjer shtetasin E. Ç., u gjetën një leje drejtimi automjeti polake dhe një letërnjoftimi polake me të dhënat e shtetasit polak M. B., të dyshuara të falsifikuara, si dhe 1 shkop bejsbolli, të cilat u sekuestruan në cilësinë e provës materiale.

Materialet u referuan në Prokurorinë pranë Gjykatës së Shkallës së Parë Kukës, për veprat penale "Falsifikimi i letërnjoftimeve, pasaportave ose vizave" dhe "Mbajtja pa leje e armëve të ftohta".

Shfaq komentet
comments powered by Disqus
Sot mund të lexoni Shfletoni kopertinat