Prej 7 vitesh e vetmja dritë në këtë shtëpi është kandili. Familja Istrefi me 7 anëtarë u zhvendos nga fshatrat e Kukësit në kryeqytet, në zonën e Zall-Herrit.
Lule Istrefi thotë se u detyruan të largoheshin për të shkolluar fëmijët.
“Atje më mirë, kemi pasur gjë të gjallë, tokë. Ikëm për shkollën e fëmijëve. E kishin shkollën larg, 2 orë shkolla. Tani shumë vështirë, më shumë për drita. Nuk kemi pasur mundësi me bë kontratën dhe kemi mbetur pa drita, fëmijët vijnë nga shkolla vonë se e kanë mësimin pasdite, nuk kanë dritë për të mësuar.”
Në shtëpinë të cilën e ndërtuan mungon pothuajse gjithçka që nga dera kryesore e shtëpisë që vetëm emrin e ka të tillë.
Banesa, e cila mbeti pa pëërfunduar, nuk ëhstë aspak e sigurt.
“Lloj-lloj insektesh ka.”
Mes sëmundjeve dhe halleve të tjera thotë se 750 lekë që merr nga bashkia nuk i mjaftojnë as për ushqim, ndihmojnë vetëm fëmiujët me mbledhjen e bimëve mjekësore.”
“Kemi mbledhur bimë mjekësorte dhe me ato kemi jetuar.”
Mes lotësh, nëna e 5 fëmijëve përpiqet të tregohet e fortë, ndërsa shpresat i ka te të vegjlit që kur të rriten do t’ja shpërblejnë mundin.
“Kismet Zotit, si të rriten fëmijët po. Te ato kam shpresën.”
Kjo familje, e cila sot ka nevojë për ndihmën e gjithëkujt, apelon për vëmendje që sadopak ti kthehen jetës njerëzore.