Në të gjitha pjesët më të rrezikshme të segmentit Kukës-Bushtricë, pjesë e aksit nacional Kukës-Peshkopi, po vendosen barriera anësore në mënyrë që automjetet që mund të humbasin kontrollin të mos përfundojnë jashtë rruge, pasi terreni është shumë i thepisur.
Vendosja e këtyre barrierave është e domosdoshme sidomos gjatë stinës së dimrit, kohë në të cilën reshjet e dëborës janë të mëdha dhe ku mundësitë për aksidente rriten.
Krahas vendosjes së këtyre barrierave anësore, firma kontraktore që mirëmban këtë segment rrugor po punon edhe për riparimin e sinjalistikës rrugore.