si nuk u ngopet tërë këto vite
akoma ëndrroni majat e lavdisë
si nuk e shifni fund(rrinen)in tuaj
apo jeni dehur nga afshi marrëzisë
vallë harruat se do vij një ditë
nga maja Olympit keni për të zbrit
e portreti juaj do ju shfaqet përballë
si një ikonë turpi do t'ju neverit
mornica në trup do ju shkojnë panda
miqtë e dikurshem do t'ikin nga ju
kalaja dikurshme do shembet nën këmbë
e ju papritur do zhyteni në llum
eh sa perandorëve u ka ardhur fundi
me turp janë mbyll në oazën e vetmisë
përbuzja si pështymë u është kthyer fytyrës
të mjerë i kanë ngrysur ditët e pleqërisë
11 gusht 2017
Vendlindje
BURGU I LIRISË
Rrethoja nuk ka
i rrethuar je
Pranga nuk ka
i prangosur je
Fjala të lejohet
fjalën s'e ke
Ëndrrat t'i falin
shpresën t'a vrasin
Gjithçka është e lirë
e ndjehesh nën dry
Absurd i kohës
Burgu i lirisë
17 janar 2018
Demarkacioni
Ky demarkacioni
na nxori telashe
besa shumë liderë
i bëri qepaze
i ndërrojnë deklaratat
ata brenda natës
se kjo politika
qenka kurvë e madhe
në daç me ruajt pushtetin
duhet luajtur bishtin
përndryshe karrigen
saora ta hiçin
e mileti ngratë
rri e bënë sehir
me shpresën se vijnë
liderë më të mirë
7 mars 2018
Loja me kufij 2
loja me kufij
prapë filloi të luhet
po thonë asgjë s' humbim
veç toka po tkurret
E falen Mitrovicën
e kërkojnë Preshevën
harrojnë se Serbia
është skile e vjetër
behet sikur ngordhi
e ka rënë në gjumë
por në prapaskenë
përgaditë një kurth
e parija jonë e verbër
vazhdon me deklarata
derisa një ditë populli
t'i shpalli non grata
6 gusht 2018
Diktaturë moderne
Diktaturë kishe të lam pas
n' Demokraci u shfaqe prapë
tash ke marr vetëm ngjyrë tjetër
prapë ke mbet ajo skilja e vjetër
n' Komunizëm mbaje ngjyrë të kuqe
tash me lara plot teke e huqe
kur menduam se more fund
prapë na erdhe me tjetër luk
Diktatura i futi në një plaf
komunistë e demokratë
që për pak pare e interes
të gjithë u futen në një thes
dje na ishte me ngjyrë të kuqe
sot na del me një ngjyrë tjetër
dikur ishe diktaturë klasike
e tash je diktaturë moderne
Edi 2 Prishtinë
2 tetor 2018 ora 7.36