Lulet e qershisë fluturojnë nga degët e holla
Bien mbi barin mbushur me bulëza kristalore
Rrezet e hënës fërgëllijnë e sjellin aroma
Zbukurojnë xhamat e dritarës me kokrra verdhullore
Ka ardhur mes nesh një stinë e gjatë pa kohë
Është mbushur me musht të ëmbël hardhia
Nata flatrat tërë epsh tund dhe të befason
Orfeu vështron tokën e mbushur me çudira.
Ndiej trupat e galaktikës që kullosin në errësirë.
Teksa gjerboj kafen në kafkën e një zogu
Gjithësia mbushet me shatërvanë me dritë
Diku në një vazo mbjell ca farëza borziloku.
Ndodhen kaq shumë çudira në jetë
Në botë ka ardhur Orfeu i vargut modern.