Akad. I.Ajeti ka vuajtur nga varfëria shumë vite. Për këtë kanë reaguar duke komunikuar në mënyrë vëllazërore me mua, dy familjarë të Akademikut të nderuar, Idriz Ajeti. Unë i kërkoj ndjesë Familjes Ajeti, e cila është ndjerë e prekur për fjalën varfëri. Por uroj për mirëkuptim, duke garantuar se është një lëshim i pa qëllimshëm, si rrjedhojë e mos definimit të një mendimi, në raportin pushtetarë-Akademik Ajeti. Edhe aludimi për para dhe disa vite pas luftës, kur edhe pagesa e pensioneve nuk funksiononte, ka mjegulluar dhe përgjithësuar, për fjalën varfëri. Dihet edhe koha kur Kryeministri në egzil Bujar Bukoshi, i ndëpret financimin presidentit Dr.I.Rugova…! Ndërsa, pushtetarët e pas luftës, i dhanë me dhjetra mija euro Akad. Rexhep Qosjes, për botimin e librave të tij me karakter propagandistik dhe përçarës…!
Familjen tonë, Leci, me Familjen e Mulla Zenel Ajetit, i njohur në popull si Hoxhë Tupalla, e lidh një miqësi, bashkëpunim e qendresë, karshi pushtuesit serb, qysh një shekull më parë, që nga viti 1918. Një familje bujare e fisnike, si ajo Ajeti, nuk ka dyshim se përcjellë mirësinë dhe fisnikërinë edhe tek trashëgimtarët e saj. Dhe, unë nuk e vë në dyshim përkujdesjen e vëllezerëve, nipave dhe mbesave për njeriun e tyre, të shumëdashur, Akademik Idriz Ajetin. Aq më parë, se Familja Ajeti krenohet me mësuesin, profesorin, studjusin, edukatorin e brezave shqiptarë, Prof. Dr. Idriz Ajetin, ashtu siç krenohet edhe Kosova, kombi.
Ditën e vdekjes dhe varrimit të datës 13.2.2019, opinionin gjithë-shqiptar, e përjetoi me dhimbje shuarjen fizike, amëshimin e njeriut shekullor, me një veprimtari aktive arsimore, shkencore e politike, ndër vite e dekada. Indiferenca zyrtare dhe institucionale, për organizimin e ceremonisë mortore, indinjoi shqiptarët e kudondodhur. "Në Akademinë Komemorative nuk ishte Ministri i Arsmit ai i Kulturës, Rektori i Universitetit, Presidenti i vendit, Kryeparlamentari, Kryeministri, e as LDK-ja cila do duhej të ishte e para aty. Pushtetarët partiakë i pengon rrjeshtimi i Akedemik Idriz Ajetit, përkrah Ibrahim Rugovës. Zgjedhja në krye të Kuvendit, Parlamentit të Kosovës, si kuadër i LDK-së, i pengoi pushtetarët, për ta nderuar Atë pas amëshimit. Niveli intelektual tejet i ulët, nuk e kupton pluralizmin dhe, aq më pak, vlerat e personalitetit të Prof. Dr. Idriz Ajetit.
LDK-a çdo ditë e më shumë po i largohet traditës rugoviane. Mos prania zyrtare e drejtuesëve të saj, padyshim është një lajthitje e madhe, është fyerje, jo thjeshtë, për Familjen Ajeti, por edhe për anëtarësinë e LDK-së, për Kosovën dhe shqiptarët. Dhe, kjo mungesë nuk ka asnjë arsyetim.
Sidoqoftë, qëndrimet e palëve të përmendura më lartë, lë të mbetën në ndërgjegjën e tyre. Ndërsa vlerësimi, respekti i popullit, për Akademik Idriz Ajetin, ka qenë dhe mbetën përjetësisht në kujtesën e popullit shqiptar.