Të gjitha këto ndjesi, artistja e re i ka shpërfaqur në shtatë piktura shumëngjyrëshe të formateve të mëdha, që i ka ekspozuar në hapësirën “Hani i dy Robertëve” në Prishtinë.
Nëpërmjet paraqitjes së drerit si kafshë emblematike, kjo ekspozitë, nga aspekti figurativ, sjell energjinë pozitive, dashurinë dhe harmoninë në mes të komunitetit.
“Përballja mes dy realiteteve” është ekspozita e parë personale e Hanës.
Kuratorja e kësaj ekspozite, artistja Eliza Hoxha, flet për atë se çfarë e dallon artin e Hanës.
Ekspozita e parë personale e Hanës u prit mirë nga audienca, ku ishin të pranishëm edhe artistë e studentë.
Hana Potera është lindur më 5 nëntor 1996 në Prishtinë. Interesimet e saja për artin dhe veçanërisht për pikturën, janë të hershme që nga koha kur ishte në shkollë fillore, gjë që ndikoi në zhvillimin e imagjinatës dhe kreativitetit artistik përmes përzierjes së ngjyrave në botën e vizatimit.