ËNDËRR? - Bota Sot
ËNDËRR?

Kultura

ËNDËRR?

Më: 20 mars 2019 Në ora: 11:25
Juana de Ibarbourou

Kjo puthje zemrën kafshoka dhe mishin
me atë kafshim më preku dhe shpirtin!
Puthje që dalngadalë më thëthin
si plagë e hapur që s’ka shërim!

Flakë nuk shoh, por zjarri përvëlon
dhe çdo çast që shkon zjarrminë e shton!
Mos qe e magjepsur kjo buzë shtrigu
që me një puthje dhe shpirtin më fshiku?

Në ëndërr isha që sytë m’u mbyllën
kur buzët e tij krejt shpirtin ma shtrydhën?
Tash mbath sandalet e bronxta dhe shkon.

Ku vete magjistar që më shëron?
Shuama flakën, mbyllma këtë plagë
se po ike ti, më shkoi jet’ e ngratë!

Poezi nga: Juana de Ibarbourou
Përktheu: Maksim Rakipaj

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...