Haqa dhe “Victoria”

Kultura

Haqa dhe “Victoria”

Sevdail Hyseni Nga Sevdail Hyseni Më 27 mars 2019 Në ora: 11:13
“Victoria”

Në bjeshkët e larta, atje thellë te Skuta,

Jeta thurte këngën, me fyell e lahuta.

Një shtëpi e vogël, mbuluar me kashtë,

E rrihnin problemet, nga brenda dhe jashtë.

Kodrës së Pribocit, ku shtrihej kufiri,

Gjallëronte shqiptarçe, familja Neziri.

Kur zemërohej moti, skamja shkallmonte,

Zoti i kësaj shtëpie, në heshtje punonte.

Shikonte me mall, fëmijët si rriten,

Haqën e vogël, me motrën Feriden.

Në anën tjetër, po të kësaj shtëpie,

Nëna Sofije, shembull amvisërie.

Punonte kokulur e me gojë nuk fliste,

Karshi varfërisë, që me dhëmbë skërmiste.

Po zoti i shtëpisë, kish një prirje, ore

E jetonte jetën, vetëm me punë dore.

Anekënd Pribocit, si dhe gjithë Malësia,

N’djepat e Nezirit, përkundej fëmijëria.

Pas vitesh të shumta, me halle e derte,

Djalë i Nezir Sulës, shkeli kontinente!

Arriti në Zvicër, me shumë ideale,

Duke ngritur vlera, famë e kapitale.

Nga anët e ndryshme, laçeve dhe kthinave,

Jo më kot e quajnë, “Mbret” i pjekurinave!

E “Mbreti” i bukës, për njerëzit e ndrydhur,

Nuk e ka harruar, të shkuarën e hidhur...

Dora e tij nuk ndalet, duke bërë mirë,

Për një jetë të lumtur, për një botë të lirë.

Flet “Victoria” - Kompani e suksesit,

Legjendë e përkryer, n’fushën e biznesit!

(Kjo poezi me një respekt të veçantë i kushtohet familjes së Nezir Hazirit, i njohur si Nezir Sula, nga Priboci, Komuna e Bujanocit, fshat i brezit kufitar Kosovë – Serbi, i cili në atë kohë kishte bërë emër si mjeshtër i prodhimit artizanal të drurit, sidomos për punimin tradicional të djepave, sofrave, arkave etj. Djali i tij, Haqif Haziri, është një afarist i njohur në Zvicër, një “King”, mbret i pjekurinave dhe një humanist i shquar, jo vetëm për Luginën e Preshevës, por edhe më gjerë në shqiptari.)

commentFirst article
Sot mund të lexoni Shfletoni kopertinat