Rrufeja me shekuj nuk shti në ferra. Po në lisa* - Bota Sot
Rrufeja me shekuj nuk shti në ferra. Po në lisa*

Kultura

Rrufeja me shekuj nuk shti në ferra. Po në lisa*

Nga: Kalosh Çeliku Më: 15 prill 2019 Në ora: 11:28
Kalosh Çeliku

(Imzot, Natyra Dy të mira nuk i jep bashkë)

Natyra, Dy të mira

Nuk i jep bashkë!

Nëse, ta jep pasurinë

Nuk ta jep edhe mençurinë.

Politikanëve, ua ka dhënë pasurinë

Por, jo edhe mençurinë. Lirinë.

Përditë i uzurpojnë parqet. Rrugët

Institucionet. Shtetin e “përbashkët”?!

Edhe, atë: Për dy pëllambë varr...

Unë shkruaj Poezi “erotike”

kojshitë, ndërtojnë “shtëpi”

Nateditë, Unë shkruaj poezi

Kojshitë, ndërtojnë “shtëpi’.

E pyes, Veten: Kush janë me “Din e Iman”

Kojshitë e mi, që ndërtojnë “shtëpi”

Apo, Unë Poeti që shkruaj POEZI?!

U përgjigjem: Unë, që shkruaj Poezi

Dhe, “miqtë” e mi: Që, shkruajnë pizi...

(Nuk jam dele nënkryeme të më pri trusakati)

Fushatë zgjedhore. Parti, plot me qerre

E rrokin topin për fyti. Turkun. Serbin.

Lirë, shiten: një post politik. Kabinet

Për pak para te “vëllezërit” e Njerkës.

Çirren. Përdridhen kamerave televizive

Edhe, atë: për një post politik. Kabinet.

Nuk jam dele nënkryeme të më pri trusakati...

(Rrufeja me shekuj nuk shti në ferra. Po, në Lisa)*

Ende si fëmijë, te “Jasakët e Tikeve”

Shiu, më zente nën Dardhën Gorrice:

Çadrën Natyrore. Vërtet, si në Kasollë?!

Përmëkeq, shi rrebesh me kusi në dorë

Përderisa, milja dhentë kaleshka mesdite:

Xha Deralla, i shartonte Dardhat Gorrice.

Rrufeja, nuk shtinte në ferra?! Po, në Lisa

Nesër, të shpethejnë në dardha “turke”?!

Struken krahëve, Natën, Sharrën në dorë.

Fyellin në janxhëk, të vetmen armë lufte

Sot, ma shndërroi në “nagantë” Vargu:

Gjithë jetën, t’i rris fëmijët e tij, filiza.

Edhe, Penën me të cilën hyra në Luftë...

1. Thënje e popullit

Dhe, në fund: Sotpërsot

DERA ime - OXHAKU

Dhe, në jetë: Sot, Dikush Askushi

Hynedelë, edhe nga Dera e Madhe.

Derën, ma mbyllën kulturofagët:

Dritaren, Mua?! Rrospitë meshkuj.

Poetit, rebel. Fisit kaçakëve të Çukës

Që, hyjedal Sot: Edhe, nga Oxhaku...

(Poezi nga Libri më i ri i Autorit: RRUGAÇJA që, këto ditë pritet të dalë në dritë...)

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...