Një foto me ngjyra e vitit 1945 tregon trupat amerikane dhe ato ruse së bashku duke buzëqeshur në fund të Luftës së Dytë Botërore. Lufta e Ftohtë do të niste pak vite më vonë dhe marrëdhëniet mes dy vendeve nuk do të ishin më kurrë si atë vit.
Fotografi Julius Jääskeläinen, nga Suedia, ka shpenzuar orë të tëra duke kërkuar dhe ngjyrosur foto bardhë e zi nga beteja për Evropën. Tani ai ka grumbulluar një koleksion fotosh që e sjellin historinë në ditët tona.
Disa prej tyre tregojnë horrorin e luftës, me një foto që tregon një burrë kockë e lëkurë në një kamp përqendrimi, ndërsa një foto tjetër tregon fëmijët duke përgatitur armë në Leningrad.
Trupat amerikane dhe sovjetike pozojnë bashkë në Griebo (Gjermani), në fundin e Luftës së Dytë Botërore.
