Pse ?!.... - Bota Sot
Pse ?!....

Kultura

Pse ?!....

Nga: Zymer Mehani Më: 24 gusht 2019 Në ora: 09:54
Zymer Mehani

I harruam rrënjë
E origjinë
Nën gurë i harruam
Thellë nën tokë i shtimë

 

Harruam, e thyem 

Fjalën e besën
Skënderbeun

Dhe Nënë Terezën
Oh, vallë pse harruam
E kaq shumë ndryshuam

Ikëm prej vlerave

Me fjalët e kota
Tani me sy vëngër

Na shikon dhe bota


Ikëm nëpër ëndrra

Të përzime
Me gënjime,

Plot zhgënjime


Duke vrapuar tinëz

Dhe me vrik
Nëpër qiellin e syve
Me flatrat e erës

Veç pas antivlerës


Me lulen e zogut
Me këngën e borës
Dalldisur, ikëm

Largësive të premtuara
Nëpër shi me stuhi

Kodrës mbi shkëmb
E krejt të stërlodhur


Arritëm te pagjumësia jonë
E u mbyllëm në parmakët e egoizmit
Pse, pse u larguam prej shqiptarizmit?!....

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...