Pa shkuar ora nëntë e darkës ,nga studio shkova në dhomën e ndënjës.I pata lajmëruar se në orën nëntë, deshiroja të shihja një ndeshje futbolli ,nga eliminatoret e kupave të Europës. Familjarisht ma dhanë konsensusin.Fëmijët gjendeshin në dhomat e tyre. Gruaja e përqendruar përballë televizorit.E veshtroj i përqendruar , për t’i kujtuar marrëveshjen familjare.
- Eshtë një film i bukur, në përfundim , -më thotë papritmas.
Shihja orën herë pas here, për t’i treguar gruas se ndeshja ka filluar. Nuk më zinte vendi.U ngrita, e ula disa herë. Gruaja e përpirë nga televizori, kinse nuk më vinte re. I detyruar zura vendin tim të zakonshëm përballë televizorit, me idenë për të mos ia prishur deshirat gruas.Nuk thonë kot: “ Burrë e grua ,mish e thua!” Ekrani i madh i televizorit, ma terhoqi vëmendjen.Filmi qe komedi, me temë konflikti burrë e grua,pasi bëhen me fëmijë. Skenaristi,për të rritur narracionin dhe humorin, konfliktet i kishte endur pak të ashpra, aq sa , për faqë të zezë, gruaja zuri ta rrihte burrin
-Kjo është grua,- më thumbon direkt nusja,
- E ke gabim !- i rri gati.
- E pse?
- Rrekzikziu, nuk është burrë.
- Nuk e ke ndjekur filmin nga fillimi. Burri ia solli në majë të hundës. Ajo ka shumë të drejtë në kërkesat e veta.
- Nuse,mos e harro se është komedi, e shkruar nga një autor pa fantazi !
- E di, e di,por gruaja ka të drejtë. Ajo po mbron të drejtat e veta.
- Ka shumë pasion në mbrotjen e saj. Më shumë relaksohemi duke parë futboll, se budallallëqe të tilla, -u mundova të përmbahem,për të mos hyrë në konflikt me nusen.
- Po kërkon tregosh veten, se je burrë zamani!?
- Nuse, jemi më hënë të mirë! Mos m’i ço kacabujt e kokës kot! Nuk është e mirë as për mua,e as për ty zemërimi im. Po më cenohen rëndë të drejtat e mia, dhe po i qendroj larg konfliktit.
- Çfarë nuk shkon sipas teje në film?
- Nuk ruhen të drejtat e barabarta midis gruas edhe burrit, sipas të gjitha konventave ndërkombëtare dhe shoqatave të grave.
- Ia solli në majë të hundës. Nuk kishte rrugë tjetër,për ta bërë të zinte mend.
- Sa herë më ke mërzitur ti, aq të mira qofshin!? Nuk të kam vënë dorë ,se e kemi ndarë një herë e mirë mendjen ,për të drejta të barabarta. Ky film nuk të bën mirë. E shoh që të ka lodhur.Autori, vë në loje çiftet, që ngatërrohen pa shkak ndërvedi. Mbi agresivitetin e tyre ka mbështetur humorin. A shohim më mirë futbollin? Eshtë një ndeshje e madhe sonte.
- Futboll, futboll. Nuk e di se çfarë i pëlqeni ju burrat asaj lojë. Njëzetedy veta turren pas një topi,për ta futur në port. Gëzim i madh e kur bëhët gol !? Nuk me the,ku qendron gabimi i gruas?
- Ta thashë edhe njëherë,se ai nuk është burrë natyral,por vetëm skenik, madje i keq shumë. Për burrat në jetë shihe ,e shkruaj!? - i përgjigjem me buzagaz , duke vënë gishtin tregues në gjoks tim .- Pse aktori ndryshon me rolin, po interpreton aq mjerisht.
- Ai është aktor i Hollivudit, ndër më të mirët aktualisht në akran.
- Më vjen keq që e shoh në këtë rol,- i përgjigjem me qetësi.- Po e humb respektin ndaj tij.
- Na u bërë edhe rregjizor! Sipas rradakës tënde,si duhej të interpretonte?
- Ai,për turp ,e faqe të zezë,pasi ha dajak nga e shoqja ,rri e qanë,duke iu lutur që ta falë!?Eshtë film nuse! Nuk ka burra në glob ,që mund të rrinë si qofte,si ky që interpreton artisti “ famoz”.
- E si janë burrat?
- Me duket pyetje naïve.
- Pse?
- Ke njëzet vite e martuar,ende nuk i paska njohur burrat!?Sinqerisht,po më befason! Të kam ditur më të zgjuar.Një variant i burrave,i përhapur si mode epidemike ,në tërë globin, gratë zevzeke,për t’u sjellë trutë në vend, i marrin para duarve dhe i çojnë në ballkon. Për herë të fundit,u thonë në vesh,më zë të ulët grave të dashura:” Do të rrish urtë,apo do të shkosh në rrugë,duke i rënë përshkurt?”
- Ti qenke kriminel, nuk të paskam njohur!?
- Kjo metodë i ruan burrat ,për të mos u bërë kriminelë.Sipas statistikave zyrtare, nënëdhjetëenënte, presje nëntë për qind,grave u vinë mend.Në ato kushte, u thonë burrava me zë melodioz :” Të dua shumë. Të kam shpirtë. Nuk të shqetësoj më, e tjera ,e tjera, secila shrehje sa më e ëmbël se tjetra.
- E nëse nuk i thotë fjalët e ëmbla, që parashikove ti?
- Marrokja,bi në rrugë,me tërë forcën e rëndesës. Të tilla raste , janë shumë të rralla, se gratë kanë edheee zgjuarsi, edheee maturi, - me veshtirësi e mbaja gazin, brënda në gjoks.
- Edheee- t,pse po i stergjatë aq shume.
- Me të thënë të verteten, nuk po më pëlqen mbrojtja jote, për përsonazhen e filmit.
- Ti e do gruan si pulat!
- Për hak të qejfit po, por nuk e kam pasur fat.Besoj, se je e bindur, që nuk ke asgjë të përbashkët me pulat.
- Asnjë të drejtë nuk i jep revoltës së saj?
- Filmin nuk e ndoqa nga fillimi.Nga fragmenti që pashë,ajo nuk ka asnjë të drejtë në veprimet e saja, se e kaloi masën në reagim. Për mjeranin,mund të kem caza respekt.
- E pse?
- Nëse ka të tillë burra,uroj ta ketë vjaza në krah.
- E për gruan?
- Më mirë e lë djalin pa martuar,se i fus xhadën në krevat!
- A e sheh sa e bukur është? Llokumin me arra kafsha e keqtrajton!?
- Jo më e bukur se ti ,- i leshoj komplimentin me seriozitet,për të mos më mbetur në dora atë natë,sepse ende nuk më qenë bërë nervat kaçurrel.
- Shikoje çfarë pamje hujnore ka!
- Nuk ka tru, prandaj më duket e shemtuar, - vazhdova avazin ,se aktoria, në fakt,gjë më të bukur nuk mund të gatuaj nëna.
Ndeshjen e harrova. E mora nusën para duarve. E pashë mirë që u frikësua. Për ta shkëputur nga dallgët e filmit , e dërgova në krevatin matrimonial ,për t’i ritreguar konkretisht, se si janë burrat jashtë komedisë.
Tiranë, më 28.08.2019
