Arratisja e lumit - Bota Sot
Arratisja e lumit

Kultura

Arratisja e lumit

Nga: Mehmetali Rexhepi Më: 15 shtator 2019 Në ora: 09:38
Mehmetali Rexhepi

Lumi rridhte përpjetë

nuk e gjente udhën e vet

bishtin i lidhën nën shalë

si një kali të harlisur

shtratin i grabisin

shtrihej i molisur

i hoqën dhe jastëkët

stomet e tij jetik

nga doli nuk e shpinin dot

i rebeluar e krejt anarkik

i thyen shtratin horizontal

mbledh gjymtyrët në puset vertikal

rrjedhës tij kaltëroshe

vragat zijoshe

gjymtyrë të këputura

as pilivesa as flutura

pikturë e shpirtit i fanit rrjedhën

gurgullimat ia paqësoi amullia

ata tinguj të lëngshëm

tela të këputur kitarash të ujit

violina të thyera tutje çiftelia

copa të hedhura

dridhje të shtanguara

zukamë shushunjash

mbi invalidë ujërash

vërshëllimë ere thëllëzash të etura

i mbyllur në të zjarrtat korniza

vija e lumit një gjarpër i vardisur poetit

pa këndshëm mblidhej e këputej

në sfond joshte kaltërsia

gjarpri helmues ngrihej sakaq

do t`i mbetej vetëm lëkura

zvarranikut nën saç

përderisa rrufetë tytave të shqyera

lakadredhur shfryjnë malit matanë

kujtimi i lumit të lanë

poeti mëtoi shtratin e shpirtit t`ia lëshonte rrjedhës

e kaplonte dëshpërimi një kuçedër shtatë krerësh

lum o lum

të është bërë shumëçka e palarë

si ta heqësh vetveten zhvarë

të ndërrosh lëkurën ujore

t`i vësh fikën jetës

vazhdës tënde të mbetur

t`i lësh arkivolin prej gëlqereje

prej dheu gurësh e rërës së vjedhur

padron ngrehinash dyzetkatësh

gjuhën jashtë prore ta mbash

për lëpirje jonesh

ndoshta do të shuash etje

shtegtimit të reve

atje ku u arratis lumi

të cilin e ndiqje

dhe kurrizin i theve.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...