Nga Jugu në Veri në Kuksin e bukur turistik me “Netët e Kinemasë Evropiane” - Bota Sot
Nga Jugu në Veri në Kuksin e bukur turistik me “Netët e Kinemasë Evropiane”

Kultura

Nga Jugu në Veri në Kuksin e bukur turistik me “Netët e Kinemasë Evropiane”

Nga: Albert Z. Zholi Më: 15 nëntor 2019 Në ora: 06:22
Ilustrim

Qyteti verior i shqipërisë Kukësi mirëpret nga data 19 – 21 Nëntor magjinë e ekranit të madh aq të munguar në këtë qytet.

Tre netë festa e kinemasë Evropiane, do të zhvillohet nën kujdesin e veçantë të Kryetarit të Bashkisë z. Safet Gjici.

Vallja e Kukësit do të ushtoj para ekranit të madh duke i uruar mirëseardhjen Artistëve, kineastëve, aktorëve të kinemasë shqiptare si dhe këngëtarëve të ftuar si Irma Libohova, Miranda Kullani, Hysni Hoxha etj.

Image

Ekrani i madh do të flas në shqip në dy premierat e filmit shqiptar, “Sfida dhe “Delegacioni” si dhe në projeksionet e kinemasë së njohur Evropiane.

Ai do të moderohet nga e mirënjohura Prezantuesja ikonë Sivana Braçe. Aktiviteti i rëndësishëm kinematografikë mbështetet nga Qendra Kombëtare e Kinematografisë, Bashkia e qytetit Kukës dhe kurohet nga Cinemania Production me President Mjeshtrin Skender Jaçe. Kukësi kjo pasuri kombëtare, qyteti traditës dhe i shumëllojshmërisë, uji i bollshëm, liqeni, lumi, burime të shumta, klima dhe mikroklima, malet, pyjet, livadhet alpine, bjeshkët krijojnë kushtet e përshtatshme për zhvillimin e turizmit kulturor.

Festa e kinemasë Evropiane do sjellë kënaqësinë e filmit në ekranin e madh duke shpërndarë bukurinë dhe ndjesinë e kinemasë së munguar prej vitesh edhe në këtë qytet. Kështjella e Vilës, Kështjella e Pecës, Hisari i Domajve, Gradishta e Bardhocit, Kështjella e Bushatit dhe kodërvarret në Çinamak dhe Kenetë do ushtojnë me thirrjen: Mrësevjen Kinemaja Evropiane!

Shfaq komentet
comments powered by Disqus
Sot mund të lexoni Shfletoni kopertinat