I
Porsi thëllëza mitare
Rritej Gona guximtare
Me sy kënge për flamur
Për këto shkrepa, shkëmb e gurë
Porsi shqipe, gjeraqinë
Xixëllonjë që vetëtinë
II.
U ngrite
Në lartësi
Në rrugëtimin
Për liri
N'portret tëndin
Syri takohet
N'pika lotësh
Turbullohet
N'ato male
Atje lart
Tok u hodhe
N'valle t'zjarrtë
III.
Gone timëreshë
Ylli i qiellit tim
Për vargjet e mia
Je i zjarrtë frymëzim
IV.
N'flakë lufte
U fute
S'u stepe
S'u tute...
Pranë shkëmbit
Burimit
Për peshë
Të betimit
Me flamur në gji
Ti re për liri
V.
Midis reve
E yjeve
Mes lisash
E pyjeve
Për liri qëndrove
As kurrë s'u dorëzove
Emër i lavdisë
BUKUROSHE E LIRISË!....
