Bilbili i muzikës shqipe, Nexhmije Pagarusha ndërroje jetë me 7 shkurt, ndërsa po vazhdon të përkujtohet në mënyra të ndryshme.
Edhe qyteti i Tiranës e ka nderuar figurën e këngëtares nga Kosova duke ia dedikuar një kopsht të mbjella 100 pemë artistët së madhe të muzikës.
Të pranishëm gjatë mbjelljes së pemëve ishte krytari i bashkisë së Tiranës, Erion Veliaj dhe këngëtari i mirënjohur, Sabri Fejzullahu, Shyhrete Behluli dhe Vjoleta Kajtazi
“Kopshti “Nexhmije Pagarusha” te Parku i Liqeni. Nuk ka kënaqësi më të madhe se t’i kushtosh një kopsht me 100 pemë artistes së madhe kosovare, e këto pemë t’i mbjellësh së bashku me kolegët e saj artistë. Sot përmbushëm edhe një amanet të sajin, se pemët i donte kaq shumë”, ka shkruar Veliaj në Facebook.
Kujtojmë që Nexhmije Pagarusha u varros në fshatin e saj të lindjes në Pagarushë të Malishevës në një ceremoni private mortore, ashtu siç kishte lënë amanet.