Shkoj me afsh malli buzë lumit
Valët e Erenikut kanë rënë në qetësi
Si fëmijë i tretur ëndrrave përmallshëm
Asnjë gjurmë e fëmijërisë sime
Asnjë kollitje e larjeve parastinore
Pamja kishte ndryshuar me kohën
Shtratin e ecjes kishte devijuar lumi
Ia kishin gërryer themelin makineritë
Për rrezitje, as rërë e mbetur....
Një thupër rakitje dridhej e mërdhirë
Acari e kishte veshur me të bardhë
Herë nxirrte trupin në rreze me dhëmbë
Herë zhytej dhunshëm nën valë
Me këmishën e akullit buzqeshte ftohtë...
Tërë ditën eca përmallshëm
Buzë lumit të rritës sime
Valëve përkundeshin kujtimet,
Në lylak dimëror lidhu
Kujtimet lypnin gjurmët guralecave
Moshatarët ikur para kohe
Më shiton bukuria e ditës së sertshme
Ereniku më ndal deri në muzgun e parë
Ai dëneste,ofshante pa bëzajtë
Lotët vazhga malli faqeve
I heshtur pas dhimbjes shkoj...
NË DRITARE
Gjumi mori arratinë
Ngacmimet vlojnë brendësive
Një luftë e pafund me vargjet si gaca
Përplasje mureve të nxehta
Herë mikloja nervozën time
Herë instiktet e çmendura avullonin
Mesnata kishte ikur tutje
Hëna kishte hyrë në dhomë pa ditur
Mes tensionesh,përsiatjesh
Hap xhamin, avulli të shkojë
Shndrruar në re shiu
Lart hëna dukej si fundbuke
Rrezonte si në verë
Magjepsur në bukurinë e natës
Mes reve të bardha , rrezesh të zbehta
Kishte ikur zjarmia e trupit
Gjumë i rëndë pas lodhjes pllakos
Nga peshë e vargjeve të çmendura
Dritarja, frymëmarrja ime....
A E DI SE NUK TË DUA
Nuk të kam thënë se nuk të dua
Kam menduar se këtë e ke kuptuar
Kam dashur të gënjej vetveten
Duke pritur suprizë puthjen tjetër
Ani se më lehtë kaloj kohën vetëm...
Ndoshta ti e di lojën bukur
Nuk dua ta djeg askënd sot
Në lojën e fundit të zjarrit
Ndjej djegje brenda shpirtit
Më rreshken shikimet e ditës
Në tymin që dredhon si re me shi
A e beson zjarrin kur fiket nga fjalët?!...
Hiri i shkrirë unave të kallura flet
Andaj e dashur,besoje, ç’ka pata në zemër
Në shkumë sapuni u shndërrua
Kurrë nuk mundem ta kthej!...
Të shikoj çdo kohë,ditë e natë
Të mbaj fshehtas në kohë të paligjshme
Testament madhor i jetës gënjeshtare...
