Më qan zemra mua poetit
Edhe m' është krenare
Kur t'i shoh, Drenicë, moj trime
Pllaka, Lapidare...
Bij dhe bija ranë për Ty...
T'patën dashuri
Saherë Ty të vizitoj
Lotë kam n'sytë e mi
Ti, vendlindja e Ademit
E SANDOKAN trimit
Jetë e mot qofsh e bekuar
Zemra e KUSHTRIMIT
Lavdi t'qoftë Drenicë, moj trime
Kala qëndrestare
Krenari e kombit tim
Ti o tokë shqiptare
Lugjet tua plot blerim
N'behar luleshumë
Dhe kodriçet rreth e rrotull
T'i përqaf du' unë
Zemra jote, Drenicë trime
Na jep dashuri
Dhe n bën t'ndjehemi krenarë
Na mbush me lavdi
Truallin tënd puthsha, Drenicë
Qiellin tënd të kaltër
Dhe flamurin kuq e zi
zemrën tënde t'pastër
Kullat tua shekullore
N'Prekaz edhe gjetkë
Prore ta shtojnë madhështinë
Moj shqipe me fletë
