"Insajderi" na qenka, lule pandemie,
Kundërmon një erë me ngjyra partie!
Është zhytur n'batak kërkon si aferë,
Të godas Komunën për disa tenderë!
Shpif me intriga e përhap shantazhe,
Gjitha për të keq dalin me mesazhe!
E ka gjet në zgjedhje, t'i duket surrati,
Ku ishe "Telalli" para këtij mandati?!
Na i shkon për shtati t'i bëjë disa punë,
Duke vënë në lëvizje agjentë e spiunë!
Nuk na zgjedh mjete të vij në pushtet,
Si dikur me zurna, tupan e kërnetë!
Mirëpo, "Insajderi" nuk e ka të gjatë,
Votat qytetare, s'i premtojnë mandat!
Në zgjedhjet lokale, do të ngele bosh,
Babloku me gushë e me barkun kosh!
